الشاكرية بالدجاج أول يوم من رمضان..عطريقة ستي
صباح الخير ونشالله يكون يومك مريح والصبر مرافق نهارك يا روحي
اليوم رح اعطيكي طريقة الشاكرية بالدجاج لتساويا عالفطور وتبلشي الشهر ببياض انتي وعيلتك
اول شي حضري المقادير اللي هيه:
1كغ صدور دجاج مقطعة مربعات قياس 2 سم
2 كغ (¾8 كوب) لبن رائب
2 بصلة متوسطة الحجم مقشرة ومفرومة جوانح
رشة فلفل اسود حسب الرغبة
رشة فلفل أحمر
ملح حسب الرغبة
4 ملعقة صغيرة نشاء الذرة ممزوجة مع½ كوب ماء
حضرتي المكونات ؟؟ يلا تعالي نبلش بالطريقة
حطي النشا عاللبن وحركية عالغاز ليغلي وتحسي قوامو صار ماسك
عالطرف التاني قطعي صدر الجاج مربعات
حطي البصلات وقليون ل يدبلو البصلات و وبعدا حطي قطع الجاج لياخدو لون اشقر
وبعدا حطي عاللبن فلفل اسود وفليفلة حمرا حسب شو بتحبي ورشي ملح لتحسي انو اخدو طعمة
بما انو مافيكي تدوقي
واسكبي الجاج والبصل فوقن وحركيون ليغلو خمس دقايق مع بعض
وسكري النار
واذا بتحبي الزينة والطعمة الزايدة
قلي شوية صنوبر وحطيون عالوجه
ونشالله صحتين وهنا
بنتي هي الوصفة بتاخد معك بحدود الساعة لا تعمليها قبل بكتير مشان ماتتطري تسخنيا