ممدوح حمادة ينشر الكلمات الأصلية لشارة مسلسل “ضيعة ضايعة”
نشر السيناريست ممدوح حمادة عبر صفحته الشخصية على الفيس بوك ، الكلمات الكاملة التي كتبها لشارة مسلسل “ضيعة ضايعة”، والتي اختار منها الموسيقار طاهر مامللي مقطعين وهي:
براة العالم بدي
ضيعتنا تظلا حدي
والضيعة يمكن بدا
تا إبقى أنا حدا
لا دخان السيارات
ولا هدير الموتيرات
فيها ما حدا قدي
وفيني ماحدا قدا
براة الدنيا راسي
مرتاح من المآسي
كل اللي بدي عندي
وكله مفصل عقياسي
ما بعتاز الماسيجات
ولا رنين الموبايلات
بتندهلي بتسمع ردي
وبندهلا بسمع ردا
ما بدي ساعة ولا وقت
ولا بدي طريق الزفت
كل دروبي بتودي
كيف ما جيت وكيف ما رحت
ما بتلزمني هيدفونات
تإسمع فيديو كليبات
طير الـ عالغصن مهدي
بيغنيلي عالندا
لا تركبلي أنتينات
تاشوف الفضائيات
ما بدي إسمع أخبار
ولا بدي أعرف شو صار
تا تظل العيشة حلوة
شوفة مرتي بتقدي.
